സ്ത്രീകളുടെ പാട്ട് കേൾക്കുന്നതിനെ സംബന്ധിച്ച് ഇമാം ഇബ്നു ഹജർ ഹൈത്തമി (رحمه الله)
ഭാഗം 80
ഇമാം ഇബ്നു ഹജർ ഹൈത്തമി (رحمه الله) സ്ത്രീകളുടെ പാട്ട് കേൾക്കുന്നതിനെ സംബന്ധിച്ച് എഴുതിയ ഭാഗം കാണാം.
تنبيه ثانٍ يحرم سَماع الغناء من حرَّةٍ أو أمة أجنبيَّة؛ بِناءً على قولٍ عندنا أنَّ صوت المرأة عورة، سواء أخاف فتنة بها أم لا، وكلام الشيخين فِي الروضة وأصلها فِي ثلاث مواضع يقتضي أنَّ هذا هو الراجح فِي المذهب، ونقَل القاضي أبو الطيب إمام أصحابنا عن الأصحاب ولو من وراء حجاب وصرَّح بالتحريم القاضي الحسين أيضًا وادَّعى أنَّه لا خِلاف فيه مستدلاًّ بالحديث الصحيح: مَن استمع إلى قَيْنَةٍ صُبَّ فِي أُذُنِهِ الآنُكُ؛ أي: الرَّصاص المذاب.
كف الرعاع لابن حجر الهيتمي
രണ്ടാമത്തെ മുന്നറിയിപ്പ്: സ്ത്രീയുടെ ശബ്ദം ഔറത്താണ് എന്ന നമ്മുടെ മദ്ഹബിലെ (ശാഫിഈ മദ്ഹബ്) ഒരു അഭിപ്രായമനുസരിച്ച് അന്യസ്ത്രീയുടെ ഗാനം കേൾക്കുന്നത് ഹറാമാണ്. അവളെക്കൊണ്ട് ഫിത്ന (കുഴപ്പം) ഭയപ്പെട്ടാലും ഇല്ലെങ്കിലും ഈ വിധി ബാധകമാണ്.
ശൈഖാനി (ഇമാം നവവിയും ഇമാം റാഫിഈയും رحمهما الله) റൗള, അസ്വ്ൽ റൗള എന്നീ കിതാബുകളിൽ മൂന്ന് സ്ഥലങ്ങളിലായി പറഞ്ഞതിന്റെ തേട്ടം ഈ അഭിപ്രായമാണ് മദ്ഹബിൽ ഏറ്റവും പ്രബലമായത് എന്നാണ്. കൂടാതെ, നമ്മുടെ അസ്ഹാബിലെ ഇമാമായ ഖാളി അബൂത്വയ്യിബ് (رحمه الله) ശാഫിഈ അസ്ഹാബുമാരെ തൊട്ട് ഇങ്ങനെ കേൾക്കുന്നത് മറയുടെ പിന്നിൽ നിന്നാണെങ്കിൽ പോലും നിഷിദ്ധമാണെന്ന് ഉദ്ധരിച്ചിട്ടുണ്ട്.
അതുപോലെ ഖാളി ഹുസൈൻ (رحمه الله) ഇത് ഹറാമാണെന്ന് തുറന്നു പ്രഖ്യാപിക്കുകയും, ഈ വിഷയത്തിൽ പണ്ഡിതന്മാർക്കിടയിൽ അഭിപ്രായവ്യത്യാസമില്ലെന്ന് വാദിക്കുകയും ചെയ്തിട്ടുണ്ട്. "ആരെങ്കിലും ഒരു ഖൈനഃയുടെ (ഗായികയുടെ) പാട്ട് ശ്രദ്ധിച്ചു കേട്ടാൽ, അവന്റെ ചെവിയിൽ ഉരുക്കിയ ഈയം ഒഴിക്കപ്പെടുന്നതാണ്" എന്ന സ്വഹീഹായ ഹദീസ് തെളിവ് പിടിച്ചുകൊണ്ടാണ് അവർ ഇങ്ങനെ പറഞ്ഞത്.
ഇമാം ഇബ്നു ഹജർ (رحمه الله) തങ്ങൾ പറഞ്ഞതിന്റെ ചുരുക്കവും പ്രധാന ആശയവും ഇങ്ങനെയാണ്:
വിവാഹബന്ധം അനുവദനീയമായ (അജ്നബിയ്യ) സ്ത്രീയുടെ ഗാനം കേൾക്കുന്നത് ഹറാമാണ്.
സ്ത്രീയുടെ ശബ്ദം ഔറത്താണ് (മറയ്ക്കപ്പെടേണ്ടതാണ്) എന്നത് ഒരു മദ്ഹബീ അഭിപ്രായമാണ്.
ഫിത്ന (പ്രലോഭനം) ഭയപ്പെട്ടാലും ഇല്ലെങ്കിലും ഈ നിരോധനം ബാധകമാണ്.
പണ്ഡിതരുടെ നിലപാട്: ഇമാം നവവി (رحمه الله), ഇമാം റാഫിഈ (رحمه الله), ഖാളി അബൂത്വയ്യിബ് (رحمه الله), ഇമാം ഖാളി ഹുസൈൻ (رحمه الله) എന്നിവർ ഈ അഭിപ്രായത്തെ പിന്തുണയ്ക്കുന്നു.
ഹദീസ് തെളിവ്: "ആരെങ്കിലും ഒരു ഗായികയുടെ പാട്ട് ശ്രദ്ധിച്ചു കേട്ടാൽ, അവന്റെ ചെവിയിൽ ഉരുക്കിയ ഈയം ഒഴിക്കപ്പെടും." (ശിക്ഷയുടെ ഗൗരവം സൂചിപ്പിക്കുന്നു).
أَنَّ الإِمَامَ يَدْعُو لَهُمَا جَمِيعًا، فَإِنْ لَمْ يَفْعَلْ فَقَدْ خَانَ الْإِمَامُ الْمَأْمُومَ
فتاوی ابن تيمية : (۲۱۱/۱)
മഅ്മൂം ആമീൻ പറഞ്ഞാൽ അവനും പ്രാർത്ഥിച്ചവനായി. മൂസാ നബി അലൈഹിസ്സലാമിനോടും ഹാറൂൻ നബി അലൈഹിസ്സലാമിനോടും നിങ്ങളുടെ പ്രാർത്ഥനകൾക്ക് ഉത്തരം നൽകപ്പെട്ടുവെന്നാണ് അല്ലാഹു പറഞ്ഞത്. എന്നാൽ അവരിലൊരാൾ മൂസാ നബി അലൈഹിസ്സലാം പ്രാർത്ഥിക്കുകയും മറ്റെയാൾ ആമീൻ ചൊല്ലുകയുമാണ് ചെയ്തിരുന്നത്.
ഇമാമിന്റെ പ്രാർത്ഥനക്ക് മഅ്മൂം ആമീൻ പറയുന്ന സാഹചര്യത്തിൽ ഫാതിഹാ സൂറത്തിൽ പറയുന്നതുപോലെ ഇമാം ബഹുവചനം ഉപയോഗിച്ച് പ്രാർത്ഥിക്കണം. കാരണം, ഇമാം രണ്ടുപേർക്കും കൂടി പ്രാർത്ഥിക്കുന്നുവെന്ന് വിശ്വസിച്ചാണല്ലോ മഅ്മൂം ആമീൻ പറയുന്നത്. അതിനെതിരായി ഇമാം തനിക്കുവേണ്ടി മാത്രം പ്രാർത്ഥിച്ചാൽ ഇമാം മഅ്മൂമിനെ വഞ്ചിച്ചു.
(ഫതാവാ: 1/211)
ചുരുക്കത്തിൽ, വിശുദ്ധ ഖുർആനും തിരുഹദീസും മുസ്ലിം ലോകത്തെ ഇമാമുകളും പ്രോത്സാഹിപ്പിച്ച വിഷയമാണ് കൂട്ടുപ്രാർത്ഥന. ഒരാൾ ദുആ ചെയ്യുകയും മറ്റുള്ളവർ ആമീൻ പറയുകയും ചെയ്യുക എന്ന സംവിധാനത്തെയാണല്ലോ കൂട്ടുപ്രാർത്ഥന എന്നതുകൊണ്ട് ഉദ്ദേശിക്കുന്നത്.
മുസ്ലിങ്ങൾ ആമീൻ പറയുന്നതും പരസ്പരം സലാം ചൊല്ലുന്നതും ഏറ്റവും അസൂയയോടെ കാണുന്നവർ ജൂതന്മാരാണെന്നാണ് ഹബീബായ നബി ﷺ പഠിപ്പിച്ചത്.
നിസ്കാരശേഷമായാലും മറ്റുള്ള കൂട്ടായ ദുആയുടെ സദസ്സുകളിലായാലും ആമീൻ പറയാൻ വിമുഖത കാണിച്ചു മാറിനിൽക്കുന്നവർക്ക് അവരുടെ വികലമായ വിശ്വാസാദർശങ്ങൾ മാറ്റിവെച്ച് ഒരു തിരിച്ചുവരവിന് ഈ പഠനക്കുറിപ്പ് ഉപകരിക്കട്ടെ എന്ന് ആശിക്കുന്നു. അല്ലാഹു ജല്ലജലാലുഹു തൗഫീഖ് നൽകുമാറാകട്ടെ. (ആമീൻ)
അബൂ നവവി ✍️
0097466582082
Comments
Post a Comment