കയ്യടി സ്ത്രീകൾക്കുള്ളതാണ്



ഭാഗം 42

"അല്ലാഹുവിനെ ഭയപ്പെടുകയും അവന്റെ മഹത്വത്തെ കുറച്ചെങ്കിലും തിരിച്ചറിയുകയും ചെയ്യുന്ന ഒരാളിൽ നിന്ന് നൃത്തമോ കൈയടിയോ ഉണ്ടാകുമെന്ന് ചിന്തിക്കാനാവില്ല": ഇമാം ഇസ്സുദ്ധീൻ അബ്ദുസ്സലാം (رحمه الله)

സുൽത്താനുൽ ഉലമാ (പണ്ഡിതന്മാരുടെ സുൽത്താൻ) എന്നറിയപ്പെടുന്ന, പ്രശസ്ത ശാഫിഈ മദ്ഹബിലെ സുപ്രസിദ്ധ ഫഖീഹ് ഇമാം ഇസ്സുദ്ദീൻ ബിൻ അബ്ദുസ്സലാം (رحمه الله) രചിച്ച 'ഖവാഇദുൽ അഹ്കാം ഫീ മസ്വാലിഹിൽ അനാം' എന്ന ഗ്രന്ഥത്തിൽ കൈയടിക്കുന്നതിനെയും നൃത്തം ചെയ്യുന്നതിനെയും ശക്തമായി എതിർക്കുന്ന ഭാഗമാണ് ഇന്ന് നാം വായിക്കാനിരിക്കുന്നത്.

ഹിജ്റ 577-ൽ ജനിച്ച് ഹിജ്റ 660-ൽ വഫാത്തായ ലോകപ്രശസ്ത പണ്ഡിതനായ ഇമാം ഇസ്സുദ്ധീൻ അബ്ദുസ്സലാം (رحمه الله) പറഞ്ഞു:

وقد حرم بعض العلماء التصفيق لقوله - عليه السلام -: إنما التصفيق للنساء ولعن عليه السلام المتشبهات من النساء بالرجال، والمتشبهين من الرجال بالنساء، ومن هاب الإله وأدرك شيئا من تعظيمه لم يتصور منه رقص وَلَا تصفيق، ولا يصدر التصفيق والرقص إلا من غبي جاهل، ولا يصدران من عاقل فاضل، ويدل على جهالة فاعلهما أن الشريعة لم ترد بهما في كتاب ولا سنة، ولم يفعل ذلك أحد الأنبياء ولا معتبر من أتباع الأنبياء، وإنما يفعل ذلك الجهلة السفهاء الذين التبست عليهم الحقائق بالأهواء، وقد قال تعالى: {ونزلنا عليك الكتاب تبيانا لكل شيء} [النحل: ٨٩] وقد مضى السلف وأفاضل الخلف ولم يلابسوا شيئا من ذلك.

قواعد الأحكام في مصالح الأنام

لعز الدين بن عبد السلام الملقب بسلطان العلماء (ت ٦٦٠هـ)

ചില പണ്ഡിതന്മാർ (തസ്ഫീഖ്) കൈയടിക്കുന്നത് ഹറാമാക്കിയിരിക്കുന്നു. കാരണം, നബി ﷺ പറഞ്ഞിരിക്കുന്നു: “കയ്യടി സ്ത്രീകൾക്കുള്ളതാണ്.” കൂടാതെ, റസൂൽ ﷺ സ്ത്രീകളിൽ പുരുഷന്മാരെ അനുകരിക്കുന്നവരെയും പുരുഷന്മാരിൽ സ്ത്രീകളെ അനുകരിക്കുന്നവരെയും ശപിച്ചു.

അല്ലാഹുവിനെ ഭയപ്പെടുകയും അവന്റെ മഹത്വത്തെ കുറച്ചെങ്കിലും തിരിച്ചറിയുകയും ചെയ്യുന്ന ഒരാളിൽ നിന്ന് നൃത്തമോ കൈയടിയോ ഉണ്ടാകുമെന്ന് ചിന്തിക്കാനാവില്ല. കയ്യടിയും നൃത്തവും ചെയ്യുന്നത് ബുദ്ധിഹീനനും അറിവില്ലാത്തവനുമായ ഒരാളിൽ നിന്നു മാത്രമേ ഉണ്ടാകൂ. നല്ല ബുദ്ധിയുള്ള, ധാർമികനായ ഒരാളിൽ നിന്ന് അത് ഉണ്ടാകുകയില്ല.

ഇവ ചെയ്യുന്നവരുടെ അജ്ഞതയ്ക്കുള്ള തെളിവാണ് ഈ പ്രവൃത്തികളെക്കുറിച്ച് ഒരു വിധിയും അല്ലാഹുവിന്റെ കിതാബിലോ (ഖുർആനിലോ) സുന്നത്തിലോ വന്നിട്ടില്ല എന്നത്. അമ്പിയാക്കളിൽ ആരും അത് ചെയ്തിട്ടില്ല. അമ്പിയാക്കളുടെ മഹത്തരമായ അനുയായികളിൽ ആരും ചെയ്തിട്ടില്ല. സത്യത്തെ സ്വാർത്ഥാഗ്രഹങ്ങളുമായി കലർത്തിയ അറിവില്ലാത്ത ഭോഷന്മാരാണ് ഇത് ചെയ്യുന്നത്.

അല്ലാഹു പറയുന്നു:

{ونزلنا عليك الكتاب تبيانا لكل شيء}

“നബിയേ, നാം അങ്ങേക്ക് എല്ലാത്തിനും വിശദീകരണമാകുന്ന കിതാബ് ഇറക്കിയിരിക്കുന്നു.” (ഖുർആൻ, സൂറത്തുന്നഹ്ൽ: 89)

പൂർവികരായ സലഫുകളും പിൻഗാമികളിലെ ശ്രേഷ്ഠന്മാരും കടന്നുപോയിട്ടുണ്ട്. അവർ ആരും തന്നെ അത്തരം കാര്യങ്ങളിൽ (നൃത്തത്തിലോ കൈയടിയിലോ) ഒട്ടും ഏർപ്പെട്ടിട്ടില്ലെന്ന് മഹാനവർകൾ വളരെ കൃത്യമായി രേഖപ്പെടുത്തി വെച്ചിരിക്കുന്നു.

അബൂ നവവി

00974 77882082

Comments

Popular posts from this blog

കുഴലുകൾ, കമ്പി വാദ്യങ്ങൾ, ഡ്രമ്മുകൾ

സംഗീതോപകരണങ്ങൾ ഹലാൽ ആക്കുന്ന ചിലർ ഉണ്ടാകും

കൂട്ട് പ്രാർത്ഥന - ഭാഗം 3️⃣