അശ്ലീലമായതോ, കളവുകൾ പ്രചരിപ്പിക്കുന്നതോ ആയ കവിതകൾ
ഭാഗം 34
അശ്ലീലമായതോ, കളവുകൾ പ്രചരിപ്പിക്കുന്നതോ, തെറ്റായ കാര്യങ്ങൾക്ക് പ്രേരിപ്പിക്കുന്നതോ ആയ കവിതകൾ ഹറാമാണ്
കഫ്ഫുർ റആഅ് അൻ മുഹറമാത്തിൽ ലഹ്വി വസ്സമാഅ് (كف الرعاع عن محرمات اللهو والسماع) എന്ന പ്രസിദ്ധമായ ഗ്രന്ഥത്തിൽ മഹാനരായ ഇമാം ഇബ്നു ഹജർ (رحمه الله) ഗാനങ്ങളെ (പാട്ടുകളെ) വിവിധ തരങ്ങളായി പണ്ഡിതന്മാർ തരംതിരിച്ചത് രേഖപ്പെടുത്തി.
قال الأذرعي :- وما أحسن قول الماوردي: الشعر فِي كلام العرب: مستحب إنْ حذَّر من الدُّنْيَا أو رغَّب فِي الآخِرة، أو حثَّ على مكارم الأخلاق ومباح وهو ما سَلِمَ من فُحش وكذب ومحظور وهو ما اقترن بأحدهما .
كَف الرَّعَاعِ عَنْ مُحَرَّمَاتِ اللَّهْوِ وَالسَّمَاعِ
ഇമാം അദ്റഈ (رحمه الله) പറഞ്ഞു: ഇമാം മാവർദിയുടെ (رحمه الله) വാക്ക് എത്ര നല്ല വാക്കുകൾ! അറബികളുടെ സംസാരത്തിൽ പാട്ടുകൾ മൂന്ന് വിധമാണ്.
മുസ്തഹബ്ബ് (സുന്നത്ത്): ദുനിയാവിനെക്കുറിച്ച് മുന്നറിയിപ്പ് നൽകുകയോ, ആഖിറത്തിൽ താൽപര്യമുണ്ടാക്കുകയോ, ഉന്നതമായ സ്വഭാവങ്ങളെ പ്രേരിപ്പിക്കുകയോ ചെയ്യുന്നതാണെങ്കിൽ പാട്ടുകൾ മുസ്തഹബ്ബിൻ്റെ ഗണത്തിൽ വരുന്നു.
മുബാഹ് (അനുവദനീയം): അശ്ലീലതയിൽനിന്നും കളവിൽനിന്നും മുക്തമായതാണെങ്കിൽ അത് മുബാഹിൻ്റെ ഗണത്തിൽ പെടുന്നു.
മഹ്ളൂർ (നിഷിദ്ധം): അശ്ലീലതയോ കളവോ കൂടിക്കലർന്നതാണെങ്കിൽ അത് നിഷിദ്ധമാകുന്നു.
ചുരുക്കത്തിൽ പാട്ടുകളെ അവയുടെ ഉള്ളടക്കത്തെയും ലക്ഷ്യത്തെയും അടിസ്ഥാനമാക്കി മൂന്ന് നിയമപരമായ വിഭജനങ്ങളായി തരംതിരിച്ചതിനെക്കുറിച്ചുള്ള ഉദ്ധരണിയാണിത്.
മുസ്തഹബ്ബ് (സുന്നത്ത്): നല്ല കാര്യങ്ങൾക്ക് പ്രേരിപ്പിക്കുന്നതും, ആത്മീയ ചിന്തകൾക്ക് ഉണർവ് നൽകുന്നതുമായ കവിതകൾ.
മുബാഹ് (അനുവദനീയം): തിന്മകളോ അസത്യങ്ങളോ ഇല്ലാത്ത, കേവലം വിനോദപരമായതോ ഭംഗിയുള്ളതോ ആയ കവിതകൾ.
മഹ്ളൂർ (നിഷിദ്ധം): അശ്ലീലമായതോ, കളവുകൾ പ്രചരിപ്പിക്കുന്നതോ, തെറ്റായ കാര്യങ്ങൾക്ക് പ്രേരിപ്പിക്കുന്നതോ ആയ കവിതകൾ.
ഇങ്ങനെ വ്യത്യസ്ത തലങ്ങളിൽ ഈ വിഷയം ബന്ധപ്പെട്ട് കിടക്കുന്നു.
ഇമാം മാവർദി (رحمه الله) യുടെ ഈ അഭിപ്രായങ്ങൾ ഇസ്ലാമിക വീക്ഷണത്തിൽ കവിതയെയും സാഹിത്യത്തെയും എങ്ങനെ സമീപിക്കണം എന്നതിനെക്കുറിച്ചുള്ള വ്യക്തമായ ഒരു രൂപരേഖയാണ് നൽകുന്നത്.
അബൂ നവവി
00974 77882082
Comments
Post a Comment