കർമ്മങ്ങൾ മരണപ്പെട്ടവർക്ക് മുന്നിൽ പ്രദർശിപ്പിക്കപ്പെടും

മരണപ്പെട്ടവരുടെ ലോകം ഭാഗം 6️⃣

തീർച്ചയായും നിങ്ങളുടെ കർമ്മങ്ങൾ മരണപ്പെട്ടവർക്ക് മുന്നിൽ പ്രദർശിപ്പിക്കപ്പെടും; നല്ലതാണെങ്കിൽ അവർ സന്തോഷിക്കും, ചീത്തയാണെങ്കിൽ അവർക്ക് വിഷമമാകും.

ഈ വിഷയവുമായി ബന്ധപ്പെട്ട് കഴിഞ്ഞ ഭാഗങ്ങളിൽ ഹാഫിദ് ഇബ്നു കസീർ (رحمه الله) ഇബ്നു തൈമിയ്യ, ഇബ്നുൽ ഖയ്യിം, തുടങ്ങിയവർ വിശദമായി രേഖപ്പെടുത്തിയ കാര്യങ്ങൾ വായിച്ചല്ലോ അതല്ലാതെ തന്നെ നിരവധി മറ്റ് പ്രമുഖ മുഫസ്സിരീങ്ങളും പണ്ഡിതന്മാരും ഈ ആയത്തിന്റെ വിശദീകരണത്തിലും അല്ലാതെയും മരണപ്പെട്ടവർ ജീവിച്ചിരിക്കുന്നവരുടെ അവസ്ഥകൾ അറിയുമെന്നതിനെക്കുറിച്ച് രേഖപ്പെടുത്തിയിട്ടുണ്ട്

​ഇമാം ഖുർത്വുബി (رحمه الله) ബഹുമാനപ്പെട്ടവരുടെ ഗ്രന്ഥമായ തദ്കിറയിൽ രേഖപ്പെടുത്തുന്നു:

​"ثَبَتَ أَنَّ أَعْمَالَ الْأَحْيَاءِ تُعْرَضُ عَلَى الْأَمْوَاتِ، فَقَدْ رُوِيَ أَنَّ أَبَا الدَّرْدَاءِ كَانَ يَقُولُ: اللَّهُمَّ إِنِّي أَعُوذُ بِكَ أَنْ أَعْمَلَ عَمَلًا أُخْزَى بِهِ عِنْدَ عَبْدِ اللَّهِ بْنِ رَوَاحَةَ. وَكَانَ يَقُولُ: إِنَّ أَعْمَالَكُمْ تُعْرَضُ عَلَى مَوْتَاكُمْ، فَيُسَرُّونَ بِحَسَنِهَا وَيُسَاءُونَ بِقَبِيحِهَا."

"ജീവിച്ചിരിക്കുന്നവരുടെ കർമ്മങ്ങൾ മരണപ്പെട്ടവരിലേക്ക് വെളിപ്പെടുത്തപ്പെടുമെന്നത് സ്ഥിരപ്പെട്ട കാര്യമാണ്. അബൂ അദർദാഅ് (رضِىَ ٱللَّهُ عَنۡهُ) ഇപ്രകാരം പ്രാർത്ഥിക്കുമായിരുന്നു: 'അല്ലാഹുവേ, അബ്ദുല്ലാഹിബ്നു റവാഹ (رضِىَ ٱللَّهُ عَنۡهُ) യുടെ അടുത്ത് എനിക്ക് അപമാനമാകുന്ന കർമ്മങ്ങളിൽ നിന്ന് ഞാൻ നിന്നോട് കാവൽ ചോദിക്കുന്നു.' അവർ പറയുമായിരുന്നു: 'തീർച്ചയായും നിങ്ങളുടെ കർമ്മങ്ങൾ മരണപ്പെട്ടവർക്ക് മുന്നിൽ പ്രദർശിപ്പിക്കപ്പെടും; നല്ലതാണെങ്കിൽ അവർ സന്തോഷിക്കും, ചീത്തയാണെങ്കിൽ അവർക്ക് വിഷമമാകും.'"

മരണപ്പെട്ടവർക്ക് ഖബറിൽ ഒന്നും അറിയാൻ കഴിയില്ല എന്ന് വാദിക്കുന്നവർ പോലും അവരുടെ വലിയ നേതാവായി പരിചയപ്പെടുത്താനുള്ള  ഇബ്നു തൈയ്മയുടെ ശിഷ്യൻ കൂടിയായ ഇബ്നുൽ ഖയ്യിം​തന്റെ പ്രസിദ്ധമായ 'കിതാബുർ റൂഹ്' (كتاب الروح) എന്ന ഗ്രന്ഥത്തിൽ അദ്ദേഹം ഒരു അധ്യായം തന്നെ ഇതിനായി മാറ്റി വെച്ചിട്ടുണ്ട്:

​"الثَّانِيَةُ: وَهِيَ مَسْأَلَةُ مَعْرِفَةِ الأَمْوَاتِ بِأَحْوَالِ الأَحْيَاءِ... وَفِي هَذَا الْبَابِ حَدِيثُ أَنَسٍ عَنِ النَّبِيِّ ﷺ: إِنَّ أَعْمَالَكُمْ تُعْرَضُ عَلَى أَقَارِبِكُمْ وَعَشَائِرِكُمْ مِنَ الْأَمْوَاتِ... وَذَكَرَ أَبُو عُمَرَ بْنُ عَبْدِ الْبَرِّ عَنِ ابْنِ عَبَّاسٍ عَنِ النَّبِيِّ ﷺ قَالَ: مَا مِنْ أَحَدٍ يَمُرُّ بِقَبْرِ أَخِيهِ الْمُؤْمِنِ كَانَ يَعْرِفُهُ فِي الدُّنْيَا فَيُسَلِّمُ عَلَيْهِ إِلَّا عَرَفَهُ وَرَدَّ عَلَيْهِ السَّلَامَ."

"രണ്ടാമത്തെ മസ്അല: മരണപ്പെട്ടവർക്ക് ജീവിച്ചിരിക്കുന്നവരുടെ അവസ്ഥകൾ അറിയാൻ കഴിയുമോ എന്നതാണ്... അനസ് (رضِىَ ٱللَّهُ عَنۡهُ) നിവേദനം ചെയ്ത ഹദീസിൽ പറയുന്നു: 'നിങ്ങളുടെ കർമ്മങ്ങൾ മരണപ്പെട്ട നിങ്ങളുടെ ബന്ധുക്കൾക്ക് മുന്നിൽ പ്രദർശിപ്പിക്കപ്പെടും.

ഇബ്നു അബ്ബാസ് (رضِىَ ٱللَّهُ عَنۡهُ) നിവേദനം ചെയ്ത ഹദീസിൽ ഇപ്രകാരം കാണാം: 'ഒരാൾ തനിക്ക് ദുനിയാവിൽ വെച്ച് പരിചയമുള്ള തന്റെ വിശ്വാസിയായ സഹോദരന്റെ ഖബറിന് അരികിലൂടെ നടന്നുപോകുമ്പോൾ സലാം ചൊല്ലിയാൽ, ആ ഖബറാളി അവനെ തിരിച്ചറിയുകയും സലാം മടക്കുകയും ചെയ്യും.'

ബിദ്അത്തിന്റെ കക്ഷികൾ പലപ്പോഴും ഉയർത്തി കാണിക്കാറുള്ള ആലുസി അദ്ദേഹത്തിന്റെ ഖുർആൻ വ്യാഖ്യാന ഗ്രന്ഥത്തിൽ രേഖപ്പെടുത്തുന്നു

​وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَ  وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ﴾

ആലുസി തന്റെ വിഖ്യാതമായ 'റൂഹുൽ മആനി' (روح المعاني) എന്ന തഫ്സീറിൽ സൂറത്ത് തൗബയുടെ ഈ ആയത്തിന്റെ വിശദീകരണത്തിൽ മരണപ്പെട്ടവർ ജീവിച്ചിരിക്കുന്നവരുടെ കർമ്മങ്ങൾ അറിയുന്നതിനെക്കുറിച്ച് വിശദീകരിച്ച ഭാഗം കാണാം

​"وقد ورد أن أعمال الأحياء تعرض على أقاربهم من الأموات، فقد أخرج الحكيم الترمذي عن ابن عباس رضي الله تعالى عنهما قال: قال رسول الله صلى الله عليه وسلم: «إن أعمالكم تعرض على أقاربكم من الأموات، فإن كان خيراً استبشروا، وإن كان سوءاً قالوا: اللهم ألهمهم عملاً صالحاً ترضى به عنهم»."

ജീവിച്ചിരിക്കുന്നവരുടെ കർമ്മങ്ങൾ മരണപ്പെട്ട അവരുടെ ബന്ധുക്കൾക്ക് മുന്നിൽ പ്രദർശിപ്പിക്കപ്പെടുമെന്ന് റിപ്പോർട്ടുകളിൽ വന്നിട്ടുണ്ട്.

ഹകീം തിർമിദി (റ) ഇബ്നു അബ്ബാസ് (رضِىَ ٱللَّهُ عَنۡهُ) വിൽ നിന്ന് ഉദ്ധരിക്കുന്നു: അല്ലാഹുവിന്റെ റസൂൽ ( ﷺ) പറഞ്ഞു: 'തീർച്ചയായും നിങ്ങളുടെ കർമ്മങ്ങൾ മരണപ്പെട്ട നിങ്ങളുടെ ബന്ധുക്കൾക്ക് മുന്നിൽ പ്രദർശിപ്പിക്കപ്പെടും.അത് നന്മയാണെങ്കിൽ അവർ സന്തോഷിക്കും. അത് തിന്മയാണെങ്കിൽ അവർ ഇപ്രകാരം പ്രാർത്ഥിക്കും: അല്ലാഹുവേ, നീ അവരെക്കുറിച്ച് തൃപ്തിപ്പെടുന്ന രീതിയിലുള്ള സൽകർമ്മങ്ങൾ ചെയ്യാൻ അവർക്ക് നീ തോന്നിപ്പിക്കേണമേ (ഇൽഹാം നൽകേണമേ).'

ഇതേ ആയത്തിന്റെ വിശദീകരണത്തിൽ ഇപ്രകാരം കൂടി ചേർക്കുന്നു:

​"وعن أبي الدرداء رضي الله تعالى عنه أنه كان يقول: «اللهم إني أعوذ بك أن أعمل عملاً أخزى به عند عبد الله بن رواحة»، وذلك بعد أن استشهد رضي الله تعالى عنه."

​"അബൂ അദർദാഅ് (رضِىَ ٱللَّهُ عَنۡهُ) ഇപ്രകാരം പ്രാർത്ഥിക്കാറുണ്ടായിരുന്നു: 'അല്ലാഹുവേ, അബ്ദുല്ലാഹിബ്നു റവാഹ (رضِىَ ٱللَّهُ عَنۡهُ) ശഹീദായതിന് ശേഷം മഹാനവർകൾക്ക് മുന്നിൽ എനിക്ക് അപമാനമുണ്ടാക്കുന്ന തരത്തിലുള്ള കർമ്മങ്ങൾ ചെയ്യുന്നതിൽ നിന്ന് ഞാൻ നിന്നോട് കാവൽ ചോദിക്കുന്നു'." ​ഈ ഉദ്ധരണികളിലൂടെ, മരണപ്പെട്ടവർ ജീവിച്ചിരിക്കുന്നവരുടെ അവസ്ഥകൾ അറിയുന്നുണ്ടെന്നും അതിൽ അവർ സന്തോഷിക്കുകയോ പ്രാർത്ഥിക്കുകയോ ചെയ്യുന്നുണ്ടെന്നും ആലുസി സമർത്ഥിക്കുന്നു.

ആലുസി നൽകുന്ന പ്രധാന വിശദീകരണം:

​മുഅ്മിനുകൾ കാണും എന്നതിന്റെ അർത്ഥം കൊണ്ട് ഉദ്ദേശിക്കുന്നത്: വിശ്വാസികൾ നമ്മുടെ കർമ്മങ്ങൾ കാണും എന്ന് പറഞ്ഞാൽ അത് കേവലം ജീവിച്ചിരിക്കുന്നവർ മാത്രമല്ല, മറിച്ച് 'ബർസഖിയായ' (ഖബറിലെ) ലോകത്തുള്ള വിശ്വാസികളും ഇതിൽ ഉൾപ്പെടുമെന്ന് അദ്ദേഹം വ്യക്തമാക്കുന്നു.

മരണപ്പെട്ടവരുടെ സന്തോഷവും സങ്കടവും: നമ്മുടെ കർമ്മങ്ങൾ മരണപ്പെട്ട ബന്ധുക്കൾക്ക് പ്രദർശിപ്പിക്കപ്പെടുമെന്ന (عرض الأعمال) ഹദീസുകൾ അദ്ദേഹം ഈ ആയത്തിന് കീഴിൽ ഉദ്ധരിക്കുന്നു. നമ്മുടെ നല്ല കാര്യങ്ങൾ അവർക്ക് സന്തോഷവും ചീത്ത കാര്യങ്ങൾ അവർക്ക് വിഷമവും ഉണ്ടാക്കുമെന്ന് അദ്ദേഹം ഇതിലൂടെ സമർത്ഥിക്കുന്നു

രഹസ്യങ്ങൾ വെളിപ്പെടും: മനുഷ്യൻ രഹസ്യമായി ചെയ്യുന്ന കാര്യങ്ങൾ പോലും അല്ലാഹു തആല റസൂലിനും വിശ്വാസികൾക്കും വെളിപ്പെടുത്തിക്കൊടുക്കുമെന്നതിന്റെ തെളിവായിട്ടാണ് അദ്ദേഹം ഈ സൂക്തത്തെ കാണുന്നത്.

കാര്യങ്ങൾ വിശദീകരിക്കേണ്ട ആവശ്യകത ഇല്ലാത്ത വിധം സ്പഷ്ടമാണ്. മരണപ്പെട്ടു കഴിഞ്ഞാൽ എല്ലാം കഴിഞ്ഞു പിന്നീട് അവരൊന്നും അറിയുന്നില്ല എന്ന് വാദിക്കുന്ന കക്ഷികൾ അവരുടെ തന്നെ നേതാക്കൾ എഴുതിവെച്ചത് മുകളിൽ നാം വായിച്ചു.

അബൂ നവവി ✍🏼

00974 77882082

📱 WhatsApp 👍 Facebook