റമദാനിലെ തറാവീഹ്: ഉമർ ബിൻ ഖത്താബ് (رضي الله عنه)

ഭാഗം 1️⃣3️⃣0️⃣

ഉമർ ബിൻ ഖത്താബ് (رضي الله عنه)

സ്വഹാബി

"റമദാനിലെ തറാവീഹ്" ഈയൊരു പരമ്പരയിൽ ഇതുവരെ രണ്ടാം നൂറ്റാണ്ട് മുതൽക്ക് പതിനാല് നൂറ്റാണ്ട് വരെ കഴിഞ്ഞു വന്ന മുസ്‌ലിം ലോകത്തെ അതിപ്രഗത്ഭരായ നാലു മദ്ഹബിൽ നിന്നുള്ള ഇമാമുകൾ വ്യക്തമായി അവരുടെ ഗ്രന്ഥത്തിൽ രേഖപ്പെടുത്തിയ തറാവീഹിനെ സംബന്ധിച്ചുള്ള വിശദമായ രൂപമാണ് ആദ്യ ഭാഗങ്ങളിൽ നാം വായിച്ചത്.ശേഷം താബിഉകൾ തറാവീഹ് ഇരുപത് റക്അത്ത്കൾ നിസ്കരിച്ച ഏതാനും ചില റിപ്പോർട്ടുകൾ നാം വായിച്ചു കഴിഞ്ഞു.

ഇനി തുടർന്നുള്ള ഈയൊരു പരമ്പരയുടെ അവസാന ഭാഗങ്ങളിൽ പുണ്യ നബി ﷺ യിൽ നിന്ന് പരിശുദ്ധ ദീനുൽ ഇസ്ലാം നേരിട്ടുകണ്ട് മനസ്സിലാക്കിയ സ്വഹാബികൾ നിസ്കരിക്കുകയും, നടപ്പിലാക്കുകയും ചെയ്ത തറാവീഹ് നിസ്കാരം എങ്ങനെയായിരുന്നുവെന്ന് ഹദീസുകളിൽ ചിലത് മാത്രം നമുക്ക് പരിശോധിക്കാം

പുണ്യ നബി ﷺ തങ്ങളുടെ പ്രിയപ്പെട്ട ശിഷ്യരും ,രണ്ടാം ഖലീഫയും, ഉമറിന്റെ (رضي الله عنه) നാവിലൂടെ സത്യം മാത്രമേ പുറത്തുവരൂ എന്ന് നബി ﷺ തങ്ങൾ പ്രഖ്യാപിക്കുകയും ചെയ്ത മഹാൻ.

"ഉമർ ബിൻ ഖത്താബ് (رضي الله عنه) മഹാനവർകളുടെ ഭരണകാലത്ത്  റമളാനിൽ 2️⃣0️⃣റക്അത്ത് തറാവീഹും ,വിത്റ്ഉം ആണ് നിസ്കരിച്ചിരുന്നത്" എന്ന് വന്ന നിരവധി റിപ്പോർട്ടുകളിൽ പ്രമുഖമായതാണ്  ഇമാം ബൈഹഖി (رضي الله عنه) 'സുനനു സഗീറിലും, ശുഅബുൽ ഈമാനിലും'  രേഖപ്പെടുത്തിയത്.

وَأَخْبَرَنَا أَبُو طَاهِرٍ الْفَقِيهُ، أنا أَبُو عُثْمَانَ عَمْرُو بْنُ عَبْدِ اللَّهِ الْبَصْرِيُّ، نا مُحَمَّدُ بْنُ عَبْدِ الْوَهَّابِ، أنا خَالِدُ بْنُ مَخْلَدٍ، نا مُحَمَّدُ بْنُ جَعْفَرٍ، حَدَّثَنِي يَزِيدُ بْنُ خُصَيْفَةَ، عَنِ السَّائِبِ بْنِ يَزِيدَ، قَالَ: «كُنَّا نَقُومُ فِي زَمَانِ عُمَرَ بْنِ الْخَطَّابِ رَضِيَ اللَّهُ عَنْهُ بِعِشْرِينَ رَكْعَةً وَالْوِتْرِ

السنن الصغير للبيهقي📚

المؤلف: أحمد بن الحسين بن علي بن موسى الخُسْرَوْجِردي الخراساني، أبو بكر البيهقي 

ഈ ഹദീസ് സ്വഹീഹാണെന്ന് ലോക പ്രശസ്ത പണ്ഡിതൻ ഇമാം നവവി (رضي الله عنه) രേഖപ്പെടുത്തുകയും ചെയ്തു.

നബി ﷺയുടെ നിസ്കാരം കണ്ടു മനസിലാക്കിയ , അതുപോലെ പുത്തൻവാദികൾ പലപ്പോഴും ആളുകളെ കബളിപ്പിക്കാൻ ഉപയോഗപ്പെടുത്തുന്ന "വിത്ർ" നിസ്കാരത്തെ പറ്റി ആയിഷ ബീവി (رضي الله عنها) റിപ്പോർട്ട് ചെയ്ത ഹദീസ് മനസിലാക്കിയ ബഹുമാനപ്പെട്ട ഉമർ ബിൻ ഖത്താബ് (رضي الله عنه) തർക്കത്തിന് പഴുതില്ലാത്ത വിധം തറാവീഹിന്റെ എണ്ണത്തെ സംബന്ധിച്ചാണ് വ്യക്തമായി മുസ്ലിം ലോകത്തെ  പഠിപ്പിച്ചിട്ടുള്ളത്.

മുകളിൽ പറഞ്ഞിരിക്കുന്ന ഹദീസ് സ്വഹീഹാണോ ❓

ഇസ്‌ലാമിക കർമ്മശാസ്ത്രത്തിലെ (ഫിഖ്ഹ്) തറാവീഹ് റക്അത്തുകളെക്കുറിച്ചുള്ള ചർച്ചകളിൽ, 20 റക്അത്തിന് തെളിവായി നാല് മദ്ഹബുകളിലെയും ഭൂരിഭാഗം പണ്ഡിതന്മാരും ആധാരമാക്കുന്നത് ഈ ഹദീസിനെയാണ്.

ഇമാം ബൈഹഖി (رحمه الله) ഹദീസ് ഉദ്ധരിച്ച ശേഷം ബഹുമാനപ്പെട്ടവർ തന്നെ ഇതിന്റെ പ്രാധാന്യം ശരിവെക്കുന്നുണ്ട്. 'സുനനുൽ കുബ്റ'യിൽ ഉമർ (رضي الله عنه) വിൻ്റെ കാലത്തെ ഈ നടപടിയെ സ്ഥിരീകരിക്കുന്നു.

​ ഹാഫിള് ഇമാം ഇബ്നുഹജർ അസ്ഖലാനി (رحمه الله) ​ഫത്ഹുൽ ബാരിയുടെ (സ്വഹീഹുൽ ബുഖാരിയുടെ വ്യാഖ്യാനം) രചയിതാവായ മഹാനവർകൾ , ഇമാം ബൈഹഖി (رحمه الله) ഉദ്ധരിച്ച ഈ നിവേദനത്തിന്റെ പരമ്പര സ്വഹീഹ് ആണെന്ന് അവരുടെ 'അൽ-ദിറായ' എന്ന ഗ്രന്ഥത്തിൽ പ്രസ്താവിച്ചിട്ടുണ്ട്.

ഇമാം സൈലഈ (റ), ഇമാം സുയൂത്തി(റ ), ഇമാം മുല്ല അലി ഖാരി (رحمه الله) അങ്ങനെ പ്രഗൽഭരായ നിരവധി പണ്ഡിതന്മാർ ഈ ഹദീസ് സ്ഥിരപ്പെടുത്തുന്നു.

ഇജ്മാഅ് (ഏകോപനം): 

ഉമർ (رضي الله عنه) വിൻ്റെ കാലത്ത് സ്വഹാബികൾക്കിടയിൽ ഈ വിഷയത്തിൽ എതിർപ്പുകൾ ഉണ്ടായിരുന്നില്ല എന്നത് ഇതിന്റെ ബലമായി പണ്ഡിതന്മാർ കാണുന്നു.

അബൂ നവവി✍️

00974 77882082

📱 WhatsApp 👍 Facebook