പിശാചിന്റെ കുഴലൂത്ത്

 

പിശാചിന്റെ കുഴലൂത്ത് 

സംഗീതം-ഇസ്ലാമിക കാഴ്ചപ്പാട് - ഭാഗം 6️⃣

നബി (ﷺ) പറഞ്ഞു: "സംഗീതോപകരണങ്ങൾ കേൾക്കുന്നതും പാട്ടുകൾ കേൾക്കുന്നതും നിങ്ങൾ സൂക്ഷിക്കുക.

ഇമാം ദൈലമി (رضِىَ ٱللَّهُ عَنۡهُ) ഉദ്ധരിച്ചത്

'വീണ' വായന പിശാചിന്റെ കുഴലൂത്തായി വിശേഷിപ്പിക്കുന്ന ഹദീസ് നമുക്കു വായിക്കാം.

وعن ابن عباس - رضي الله عنهما - أن النبي - صلى الله عليه وسلم - قال: إذا كان يوم القيامة  قال الله - عز وجل -: أين الذين كانوا ينزهون أسماعهم وأبصارهم عن مزامير الشيطان؟ ميزوهم فيميزوهم في كثب المسك والعنبر، ثم يقول لملائكته: أسمعوهم تسبيحي وتحميدي وتمجيدي فيسمعون بأصوات لم يسمع السامعون مثلها

أخرجه الديلمي

ഇബ്നു അബ്ബാസ് (رضِىَ ٱللَّهُ عَنۡهُ) നിവേദനം ചെയ്യുന്നു, നബി (ﷺ) പറഞ്ഞു: "അന്ത്യനാൾ വരുമ്പോൾ അല്ലാഹു ചോദിക്കും, 'എവിടെയാണ് പിശാചിൻ്റെ കുഴലൂത്തിൽ നിന്ന് തങ്ങളുടെ കേൾവിയും, കാഴ്ചയും ശുദ്ധമാക്കിയിരുന്നവർ?' അവരെ വേർതിരിക്കൂ.

അപ്പോൾ അവർ കസ്തൂരിയുടെയും അംബറിൻ്റെയും കുന്നുകളിൽ വെച്ച് വേർതിരിക്കപ്പെടും. തുടർന്ന് അവൻ മലക്കുകളോട് പറയും, 'എൻ്റെ തസ്ബീഹും, തഹ്മീദും, തംജീദും അവരെ കേൾപ്പിക്കുക.' അപ്പോൾ ഒരു കേൾവിക്കാരും കേട്ടിട്ടില്ലാത്ത ശബ്ദങ്ങളിൽ അവർ അത് കേൾക്കും."

وعن ابن مسعود - رضِي الله عنه - أنَّ النبي - صلَّى الله عليه وسلَّم - قال: إيَّاكم وإسماع المعازف والغناء فإنهما ينبتان النِّفاق في القلب كما ينبت الماءُ البقلَ؛ رواه ابن صصري في أماليه

ഇബ്നു മസ്ഊദ് (رضِىَ ٱللَّهُ عَنۡهُ) നിവേദനം ചെയ്യുന്നു, നബി (ﷺ) പറഞ്ഞു: "സംഗീതോപകരണങ്ങൾ കേൾക്കുന്നതും പാട്ടുകൾ കേൾക്കുന്നതും നിങ്ങൾ സൂക്ഷിക്കുക. കാരണം, വെള്ളം ചെടികളെ വളർത്തുന്നതുപോലെ അവ രണ്ടും ഹൃദയത്തിൽ കാപട്യം വളർത്തും."

ഇമാം ഇബ്നു സസ്‌രി (رضِىَ ٱللَّهُ عَنۡهُ) അമാലിയിൽ ഉദ്ധരിച്ചത്.

ഈ ഹദീസ് പ്രധാനമായും വിശ്വാസിയുടെ ഹൃദയത്തെ സംഗീതവും അനാവശ്യ വിനോദങ്ങളും എങ്ങനെ ബാധിക്കുന്നു എന്നതിനെക്കുറിച്ചാണ് മുന്നറിയിപ്പ് നൽകുന്നത്.

നിഫാഖും (കാപട്യം) സംഗീതവും: വെള്ളം ലഭിക്കുമ്പോൾ മണ്ണിൽ സസ്യങ്ങൾ തഴച്ചു വളരുന്നത് പോലെ, അമിതമായ പാട്ടും സംഗീതവും ഒരു മനുഷ്യന്റെ ഹൃദയത്തിൽ കാപട്യം വളരാൻ കാരണമാകുമെന്ന് നബി (ﷺ) ഉദാഹരണത്തിലൂടെ വ്യക്തമാക്കുന്നു.

അല്ലാഹുവെക്കുറിച്ചുള്ള ചിന്തയിൽ നിന്ന് ഹൃദയത്തെ ഇത് പരോക്ഷമായി അകറ്റുന്നു.ഖുർആൻ കേൾക്കുമ്പോൾ ഹൃദയത്തിൽ ഈമാനും, ഭക്തിയും വളരുന്നു. എന്നാൽ അതിന് വിപരീതമായി, ലഹരിപിടിപ്പിക്കുന്ന സംഗീതവും അർത്ഥശൂന്യമായ വരികളും ഹൃദയത്തെ കടുപ്പമുള്ളതാക്കുകയും പരലോക ചിന്ത ഇല്ലാതാക്കുകയും ചെയ്യുന്നു.

ഇയ്യാക്കും" (നിങ്ങൾ ജാഗ്രത പാലിക്കുക) എന്ന പദം ഉപയോഗിച്ചതിലൂടെ ഇത്തരം കാര്യങ്ങളിൽ നിന്ന് വിട്ടുനിൽക്കേണ്ടതിന്റെ ഗൗരവമാണ് നബി (ﷺ) സൂചിപ്പിക്കുന്നത്. ഇതേ ആശയം വരുന്ന ബഹുമാനപ്പെട്ട ഇബ്‌നു മസ്ഊദ് (رضِىَ ٱللَّهُ عَنۡهُ) വിന്റെ സ്വന്തം വാക്കുകൾ (മൗഖൂഫ്) മറ്റ് പ്രബലമായ ഗ്രന്ഥങ്ങളിൽ സ്ഥിരപ്പെട്ടു വന്നിട്ടുണ്ട് കൂടിയുണ്ട്.

ചുരുക്കത്തിൽ, അല്ലാഹുവിനെ ഓർക്കുന്നതിൽ നിന്നും ഖുർആൻ പാരായണം ചെയ്യുന്നതിൽ നിന്നും ഒരു വിശ്വാസിയെ പിന്തിരിപ്പിക്കുന്ന വിനോദങ്ങൾ ഹൃദയത്തിന് ഗുണകരമല്ല എന്ന വലിയൊരു പാഠമാണ് ഈ ഹദീസിലൂടെ നൽകുന്നത്.

സംഗീത ഉപകരണങ്ങൾ കേൾക്കുന്നതും, പാട്ട് കേൾക്കുന്നതും സംബന്ധിച്ച് എത്ര കൃത്യമായ മുന്നറിയിപ്പാണ് ഈ ഉമ്മത്തിന് നൽകപ്പെട്ടിട്ടുള്ളത് പക്ഷേ നമ്മളിൽ പലരും എന്തുകൊണ്ടോ ഈ വിഷയത്തിൽ അലംഭാവം കാണിക്കുന്നവരാണ്. സംഗീതം കേൾക്കുകയും അതിനൊപ്പം താളം പിടിക്കുകയും ചെയ്യുന്നതിനിടയിൽ ഹൃദയത്തിൽ കാപട്യം വളർത്തുന്നത് നമ്മൾ അറിയുന്നില്ലെന്ന് മാത്രം.

അബൂ നവവി ✍🏼

00974 77882082

📱 WhatsApp 👍 Facebook